小時候的我，因為長得特別精靈活潑，所以左鄰右里的小朋友都很喜歡跟我玩耍，朋友對我來說，多的是！
.
踏入求學時期，又因為本身個人生性溫純兼相當講義氣，所以踢西瓜波、去隔離學校識女同學、周圍Hea等活動，前呼後擁！
.
進入社會工作，早段屬於賺錢買花戴期，亦因為性格生性豪爽不計較，可以稱兄道弟的朋友多不勝數，記得當年成親擺酒，虛撼程度尤如置身街市一般！
.
踏入求學時期，又因為本身個人生性溫純兼相當講義氣，所以踢西瓜波、去隔離學校識女同學、周圍Hea等活動，前呼後擁！
.
進入社會工作，早段屬於賺錢買花戴期，亦因為性格生性豪爽不計較，可以稱兄道弟的朋友多不勝數，記得當年成親擺酒，虛撼程度尤如置身街市一般！
.
開始進入工作博殺時期，年紀漸長，大家亦各有家庭、工作要兼顧、又要返夜學、放假時亦因勞累懶找人、為了交租買米更無多餘錢周圍wet……….. 與朋友們見面的時間開始減少及至某情度疏遠，以前未曾想過的事原來已經發生！
.
到了人生經驗較成熟期，能碰上有同樣興趣而結成朋友，隨著時間日久相處，得到某情度上的信任更屬難能可貴！
.
某天有個老友跟我大談人生道理：「做朋友除了要欣賞他的優點外，缺點也需要一同接受啊~~因為每個人都同樣會有。」，似乎幾有道理喎~~~
21 則留言:
唓，陣係讚自已嘅，又唔見你讚下我喎~^0^
Smart哥點解忽然咁感性呀?
你邊個朋友講句咁有道理ge說話呀?
快啲介紹我識啦~
係喎~~唔記得左再次謝謝您的手信添~~哎吔~~真係破費喇~~多謝哂呀!p:
劉太，呢段道理係我一個相識十多年的老友，在我人生某段失意的時間跟我說的啊！
我希望可以跟大家分享吓囉~~~尤其係.....
唓，唔係叫你讚果d呀，
係讚我天生麗質，博學多財，行俠仗義，人見人愛...........多到自已都數唔晒呀真係~^0^
精靈活潑？有無相睇先？
Maymay, 你仲係如花似玉、傾國傾城、國色天姿添呀~~
naruto, 你見過我真人，乜您唔覺我好精靈咩?p:
我覺得成篇既重點係叫我地要接受人地既缺點囉。:p
師姐：攪下笑可以緩和氣氛吖嘛，hehe~~
意粉, 您真係我既知音~~~
maymay,我見您睇得幾開心咁喎。:p
但有時做朋友
如果適合，也應坦承講出對方嘅缺點
我覺得咁樣至係朋友
大頭帥哥：朋友有好多種，友誼亦有唔同層次同程度，我覺得坦承講出對方嘅缺點係好容易，但係要對方接受你講嘅、之後仲要毫無芥蒂至係最困難。
有時長大了認識的朋友，確實會更容易成為深交。早幾天工作時有點納悶，找位中學已認識的好友聊幾句，減壓吧﹗對方一句忙便把你推掉，我何來不忙？反之，有些長大後才認識的朋友，不管他們有多忙，總能在百忙中，跟你吃個午飯。那些所謂從小認識的好朋友，以為他們很了解你，其實，他們可能是最不了解你的朋友。有事時便找你幫手，沒事時你想跟她聊兩句也嫌你多餘。
大頭，欣賞的的想法，可以加埋技巧就更加理想了！
意粉，唔好介意我搭句口：帥哥都經常提點我架，但我相信那都是善意的。
Sammie，聽見你的經驗真係有些唔係咁開心，因為我亦心同感受.....唔緊要啦，下次call我啦~~:p
同意 Sammie 所講...我都無乜由小玩到大嘅朋友啦, 反而喺工作上識嘅同事/business partner 仲有多D密計傾...
要【坦承講出對方嘅缺點】，以至要【接受對方的缺點】~~~ 絕對是在乎於【朋友有好多種，友誼亦有唔同層次同程度】
我覺得做朋友係一種緣份，可以交心係一種更深嘅緣份，唔在乎識左幾耐，亦唔可以強求。
ayclui，我估舊同事比較易keep到，相信某程度上是較舊朋友updated現時的生活情況呢~~
老師、意粉，兩位所言值得細意嘴嚼啊~~
突然那麼感性既??不過好認同你所說的。
Pikasum，其實我係一個感情豐富的人，可是受到社會無情的摧殘，所以平日都唯有以外表理性作包裝囉~^0^
左定右係你?
其實成篇blog cut左頭3段會好好多呀~
張貼留言