計劃到日本東北各縣觀賞夏祭已經很多個年頭，可是每年都難於實行，今年下定決心一睹為快。
.徧徧遇上日本百年一遇的巨大自然災害，再加上福島核電廠事故，茨城至岩手四個縣被港府列為黑色外遊警示地區，較早前預訂位於仙台的酒店亦受地震波及聽聞遭受損毀。
.
東京及周邊地區亦要為減省電力，除日本人"自肅"減小不必要電力外，公共交通及室內地方建議氣溫超過28度才開啓空調，東京都夏天的其中一項重頭戲"東京隅田川花火大會"亦很大可能延期或甚至取消，情況似乎不適宜到該處作旅遊活動。.
但這也許正正是自助旅遊的其中一項樂趣吧，只要該處並沒有戰爭、病毒及天災未平息的情形下，相信會有另一番的體驗~~~
.
一切亦只有順其自然。
p.s.唔知係咪好耐無更新過，blogger似乎越來越難用咁
28 則留言:
啲字咁細粒嘅~
去呀，日本好需要我地去支持架！
去啦去啦，記住幫下佢地，買多D野，鎮買多D手信啦：）
ps:blogger有咩野難用呢？
係加多左好多新功能啫，基本上無乜唔同 ~~~
Hello. 我係住喺東京嘅香港人。
好似有D潑冷水咁，sorry，不過，呢一刻我唔建議你去日本東北旅行。
因為嗰度仲未係完全恢復，好多設施都未正常，新幹線雖然通番但係每日得一、兩班。即使你去到，都未必得到周到嘅招呼。其實就算日本人，除咗上去做義工，或者回鄉幫親友手復興之外，呢段日子都唔會去東北，因為唔想加重當地嘅負擔。呢段時間唔係咁適宜自由行去體驗旅遊嘅「樂趣」。
可能你係有心幫日本東北振興經濟，咁多謝你先。不過，打個比喻，如果有一家人剛剛父母雙亡，而有人話要去佢屋企打麻雀玩通宵......
如果你真係去，要有心理準備，唔好到時投訴日本人對你唔好、效率低，又或者最終要香港政府包機保送你返香港就好喇。
大頭、意粉、嗚門，
我都唔知點解覺得blogger好似好難用，字體大小好難控制，忽然D字體會變大或變顏色，如果upload相多又麻鬼煩，攪到我都無心機update佢，諗諗吓不如又轉返去yahoo囉~~~
black lab，歡迎你到來這個荒廢已久的小天地啊~~~
去金沢啦不如~~
叫前地理老師同你補下習囉 ~~~
我好憎 Yahoo Blog 呀!!!
Maymay, 金澤我實會去多次，你等多陣啦~~
意粉，哈哈~~好啦~~好啦~~見你咁講,我再study吓啦~~
我覺得 blogger pro 過 yahoo blog 好多啊！
Hello~ 你好耐無更新，所以我亦好耐無留言了~
其實同你情況一樣，一來除左日本，對其他地方的確提不起勁，二來真係心大心細，個心好想去，但又唔知係咪適當時候...人家重喺度收拾緊心情，落力重建，節水節電嘅時候，你重話去玩~ 好似好奇怪，所以真係好矛盾~~~
不過，我都覺得...東北暫時就真係唔太適宜去住了~ 過多段時間先去吧~
好耐無留言~
你定咗日期未呀? 我又再去, 東北主要集中 8月頭一個星期.
Hi, long time no see la ~~~
你有冇去過中部(白川鄉,高山,上高地,松本,乘鞍高原,新穗高)信洲(長野,妙高高原,輕井澤)呢D呀?我放棄了仙台秋田, 10月尾會去呢D. 紅葉好靚架, 一樣都係支持啫!係咪?
呀...你好似試過夏天去輕井澤,D鋪頭仲冇開喎, 我有冇記錯呢?
大頭，咁你真係要開個班教吓我至得喇~~唔該~~~
匿名，先向您說聲謝謝，我相信您是關心我們這羣準備出發至東北的人士安全，及關懷當地居民的感受。
但我亦相信我們這羣圈子中的朋友都是成熟的，不會單單只是為了大食大喝或放縱無度而到達當地，但當然沒有話要振興當地經濟咁誇張啦~~~
Jackson, 我定了7月30日飛東京，8月1日會到青森，相信你都是差唔多吧?
我有上過你的blog找你上次參與夏祭的資料，可以過多小小料來參詳吓嗎? 嘻嘻~~~
yvonne, 您好呀~~~近日我工作實在勁忙，所以很小上網了~~~
我只是到過白川鄉,高山及松本，論往中部的經驗，在我這處留言的老友比我好多多聲呀，您可以往他們的blog上遊記參考吓啊~~~
上次我去輕井澤，大部份鋪頭冇開，應該係冬天時間。
Rempei, 因為我舊年都去睇過, 今年想最尾兩日去睇青森ねぶた. 1) 尾二嗰晚全部山車會出晒, 2) 最尾一日有海上ねぶた+花火.
又因為長岡花火太精彩, 今次去住足兩日. :)
中間就會去十和田湖住兩晚, 去行奧入瀨.
你想要咩資料呢?
吖吔~~最尾一日有海上ねぶた+花火.咪即係7號至有，我趕唔切了~~~
長岡花火係1~3號，如果我唔睇弘前ねぷた，都可以諗諗，不過車程就急趕好多~~
哈哈, 我舊年都係由青森開始北往南走的. 無辦法, 當時都要放棄, 所以咪今年再去.
長岡花火只係放 2/8 and 3/8, 要預好多時間先得架, 你都係集中喺北東北啦.
弘前ねぷた我無睇到, 因為有幾十架車, 架架都係差不多的...... 我住弘前嗰晚去咗睇五所川原立佞武多祭り.
五所川原立佞武多祭り時間上就唔到了~~所以只可以去埋弘前啦~~~
請問你平日會否用東西"霸位"先?
緊係要預先去霸位啦！！唔係就一定無第一排的位．尤其係青森ねぶた祭同埋秋田秋田竿燈まつり，我早幾個小時去霸的，到開始前一個小時先坐低．
不過其餘的祭典就無喇～去到先搵位．
揾樽水加張紙，寫個名放係地上霸位得唔得呢???
支持日本, 好~
Rempei,我都知你和你D老友們好勁,所以我都無謂獻醜.只想提你要帶部腦去,一黎可以有最update的行車時間表,D班次真係好疏架;2黎可以快D有相比我地睇呢!哈哈!
http://hanabi.yahoo.co.jp/event/list/05.html
呢個"全國花火&夏祭情報" 唔知幫唔幫到你呢? (唔知幾時會update架)
舊年從報紙上節錄了一些東北夏祭的文章,又睇下幫唔幫到手,send 左去你地e-mail. heheee...打攪哂!!
>揾樽水加張紙，寫個名放係地上霸位得唔得呢???
得, 你張紙有幾大, 人哋就留番張紙咁多位比你.
ayclui，你似乎係最早支持喎！
yvonne，您太客氣了，係我班老友勁啫，我剩係識問佢地架咋:p
謝謝您的提點(我都驚班次問題)及email資料，好有用啊，再次感謝！
Jackson，我原先諗住帶一疊A3 size白紙及封箱粗膠紙去，到時用片假名寫自己個名後貼在地面，再加樽礦泉水係上面，扮稻草人！:p
我係用野餐的街膠氈~
日航來回東京(成田) 暑假優惠機票 $3,350起
http://www.jalselect.com.hk/preview/promotion.php?id=35
有好消息~ 即時通知.
http://www.jreast.co.jp/press/2011/20110601.pdf
玩得開心D, 影多D靚相, 食多D好野!
留番D資料比我出年用.
.^_^.
帥哥今日都仲係東京呀呵?
新潟水災，唔知對新幹線有無影响呢?
北海道去大阪的寢台特急，呢幾日都取消咗。
張貼留言