WhatsApp Messenger的魅力

WhatsApp Messenger的威力，聽過很多身邊朋友提過，大約都是好多人用呀！吓~~~你無download喎？個個都用喎！咁out架你~~~用緊textMe！我都未聽過！咩呢架?
.
屬於草根楷層的我，要俾錢download Apps對我來說，真係近乎心如刀割般難受！唯有繼續被朋友們溪落~~自己默默地成受吧！
.
幸好！機會終於降臨，今日突然發覺WhatsApp Messenger大開中門，免費讓貧苦大眾download！我當然用生平最快的速度即時擁有，以防它隨時改變主意。
.
果然，download後一些九年無傾過的朋友紛紛傳來信息道賀，話估唔到我夠updated兼夠潮！
.
WhatsApp! 你好野！
http://itunes.apple.com/us/app/whatsapp-messenger/id310633997?mt=8
.
p.s.今日此終是工作日，未有即時通知的朋友，請見諒！

跟進: WhatsApp Messenger已經回復收費！

你會點揀?

看官，如果只能二選一，

你會選擇這個時侯去日本最小7天玩過夠、吃個飽吖?

還是購置一套3D電視組合、晚晚追劇、連汁都撈埋吖?

提一提，抽獎這按這處：

http://www.enjoyjapan.jp/ld/index.html

新挑戰開始

 不知道是命運的安排，還是因為性格使然，

總是在一個限定的時段內，便再要接受新的挑戰！

而每次我都希望可以打破宿命，今次亦不例外。

.

同事為我的工作間準備了一些日用品，

令我最感動的是那盒健力氏紙巾！

還有的是多年未有吃過的〝free lunch”，

由於同事們長期覺得味道相當一般，問我估計會頂得幾多日，

我答：食一世都願架~~

搵食名單

秋風起，預計打邊爐及晚飯次數必然提升，為此立刻準備7間”最想試試”食店，給好友們找我吃飯時可以參考參考，功德無量。

.

打邊爐：

佐敦新明記火鍋 - 今日去剪髮時髮型師哥哥推介，

佢話平靚正喎！

銅鑼灣火鍋本色 - 朋友及網上口碑均不俗，

但價目屬高檔次組別。

.

晚飯：

銅鑼灣連粵日粵饌居酒屋 - 只做夜市，開晚上七時，口碑極佳！

灣仔佳寧娜潮州菜 - 老牌潮州菜館，好想吃滷水鵝肝。

中環大班樓 - 新派半私房菜館，不過屬貴夾唔飽組別，

要儲夠錢先可試一次！

.

其地：

尖沙咀Noren -日式家庭菜小店，日藉夫婦主理，絕對夠正宗！

老趙越南餐廳 - 本地老牌越南餐廳，卻從未一試！

.

免責聲明：以上菜館從未光顧，並不一定能夠得到滿意，並且存在著金錢損失可能！

すき家牛肉の具

看情況，我想於新幹線新青森駅第一日開通時到訪，

似乎不大可能！況且日圓強勢如此，

當給一個借口自己儲多點銀両才去玩個夠吧！

.

但是，總要找些代用品以填補一下心靈吧，

那日在Apita見到有售すき家的牛井の具，

每包內有3小袋，我又見做緊20% off，二話不說掃了幾包！

製作亦相當簡單，毋需解凍，待飯差不多熟時放面焗熱，搞掂！

如果想原汁原味，連袋放入沸水中加熱2分鐘，又搞掂！

http://www.oecmondake.com/SHOP/NS0002.html

鼻敏感人士救星

纏擾了差不多大半年的事情，最近尚算得到了結論。

此時此刻的感覺就好像是一個悠長的假期即將完結，

要準備從新投入人生作戰般的，

是耶非耶？起碼再次給自己一個機會吧！

.

天氣漸漸有秋意，亦正值所謂爭秋奪暑之際，

時而太陽暴晒，時而變得涼快，

令我等患有鼻敏感之人士更難適應，

早上起床後往往鼻液不斷，又會打噴嚏，真係煩！

.

最終抵唔住買了一支佐藤鼻寧試試，

查實上次去日本旅行時以經想買，

但見售價香港還便宜一些而擱置。

.

用法相當簡單，只要打開樽蓋，

然後放入鼻孔中稍稍用力噴2次藥水入內就得，

咦~~真係掂喎！

線人

一部看得心情佷是沉重的電影，

加上電影尾段播上金曲”每當變幻時”，

看著畫面、聽著金曲，使我全身毛管豎立！

亦使我有另一番的體會。

.

懷緬過去常陶醉一半樂事 一半令人流淚
夢如人生 快樂永記取 悲苦深刻藏骨髓
韶華去 四季暗中追隨 逝去了的都已逝去
啊... 常見明月掛天邊 每當變幻時
便知時光去……………

老師，遲左少少，再次多謝您！

千里送鵝毛， 物輕情義重！

老師，客氣說話不說了，一切盡不言中！

看牙醫記

D - 牙醫；N - 診所護士；C - 顧客

.

C：唔該，我無做booking，只是想補隻牙，醫生有無時間?

N：有無睇過?

C：無，第一次。

N.：醫生係要做預約架喎！

C：OK，唔緊啦~~(正想轉身走人之際)

N：哎~~醫生個客遲左，應該都可以

C：OK~(坐返低再等等，跟住聽佢同醫生講原先個客甩底~~)

N：X生呀！醫生係要做預約嘅！(我知，你講過啦！) 而家你有10分鐘！

C：OK~~(車！駛唔駛咁巴閉呀~~)

N: 你係咪牙痛先黎睇?

C: 唔係噃，之前補開牙個位之前食nuts硬得滯銀到，而家食野撞正果點有D酸啫~~

N: 咁即係牙痛啦！

C：好~~是但啦~~(妖~~一陣醫生都會睇架啦~~~)

.

D：你係咪牙痛定酸呀?

C: 係覺得酸軟，之前補開牙個位之前食nuts硬得滯銀到，而家食野撞正果點有D酸囉~~

D：咁即係牙痛啦！(妖~~C開始火滚!) 你屋企度門壞左都即刻揾人整啦，隻牙可能蛀緊都唔痛架，甚至蛀到落神經線都唔痛架………………………(下刪100字) ，咁你究竟係咪牙痛定酸呀?

C：(谷Q氣!) 呢D咁~~專業既問題我唔識答你喎！

D: 咁我同你影X光先喇！

C：我諗唔駛喇，係我搞錯左！(起身走人！)

Take Action！

為了年頭去日本省一點，看來都要做D野囉！

.

咳

最近這個多月，大大話話看過叁次西醫兼叁次中醫，

平日精靈活潑的我，食藥食到呆呆滯滯，真係我見尤憐！

.

這個多月來，我

沒有喝過一口平日極愛喝的Sapporo 啤酒、

沒有食過一口平日最愛食的卡樂B杯裝薯條、

沒有吃過一餐平日最喜歡的打邊爐、

沒有遲過11時睡覺、

沒有遲過6時收工、

沒有買過多一隻股票、

沒有post過多一篇blog…………

.

中醫師今日還要我暫時戒吃蛋糕、咖啡、生果……..

正常的日子究竟幾時返黎呢?

窮忙

今日首次聽到”窮忙” 這詞語，意思是工作很忙，但就是得不到對等或應有的收獲。忙窮絕對完全吻合近來的工作情况，都算近年少見，盼望事情盡快有突破吧！

自從台北回來後，用多了時間看日劇。最近看的有以下3套：

BOSS

故事雖然簡單，亦沒有太多高潮位，但天海祐希及竹野內豐真係做得好，好睇啊！

新參者

與BOSS一樣都是警緋片，而故事亦舖排得宜，

但由我相當喜歡的阿部寬主演，要繼續追看！

月の戀人

這部片令我想起木村多年前舊作 -沉睡森林，

當年我睇左3隻已經頂唔順，呢套我考慮緊睇唔睇第五集！

朋友

小時候的我，因為長得特別精靈活潑，所以左鄰右里的小朋友都很喜歡跟我玩耍，朋友對我來說，多的是！
.
踏入求學時期，又因為本身個人生性溫純兼相當講義氣，所以踢西瓜波、去隔離學校識女同學、周圍Hea等活動，前呼後擁！
.
進入社會工作，早段屬於賺錢買花戴期，亦因為性格生性豪爽不計較，可以稱兄道弟的朋友多不勝數，記得當年成親擺酒，虛撼程度尤如置身街市一般！

.

開始進入工作博殺時期，年紀漸長，大家亦各有家庭、工作要兼顧、又要返夜學、放假時亦因勞累懶找人、為了交租買米更無多餘錢周圍wet……….. 與朋友們見面的時間開始減少及至某情度疏遠，以前未曾想過的事原來已經發生！
.

到了人生經驗較成熟期，能碰上有同樣興趣而結成朋友，隨著時間日久相處，得到某情度上的信任更屬難能可貴！
.

某天有個老友跟我大談人生道理：「做朋友除了要欣賞他的優點外，缺點也需要一同接受啊~~因為每個人都同樣會有。」，似乎幾有道理喎~~~

葉問2

雖然套戲令我想起史泰龍套洛奇龍拳虎威，

但娛樂性真係好豐富，好值得棒場！